Mokabat sa Php 68.7 M nga irrigation project sa Marihatag ang na-aprubahan sa Mindanao Rural Development Program (MRDP) sa Department of Agriculture. Ang maong irrigation project makapatubig sa 645 ektarayas nga basakan sa mga barangay sa Mararag, Bayan, San Isidro, Arorogan ug Poblacion. Gibanabana nga adunay 583 ka mga mag-uuma ang makabenepisyo sa maong irrigation project ubos sa Marihatag-Mararag (MARIMAR) Irrigators' association. Gipangulohan gayod ni Mayor Leo Navarro ug SB Member Richard Yu ang delegasyon sa Marihatag uban ang Municiapal Planning & Development Coordinator, Municipal Engineer, Municipal Agriculturist, Municipal Environment Officer ug si Engr Constancio Banaay, Jr. sa NIA sa pagpa-aprub sa maong proyekto didto sa Butuan City sa Nov. 8, 2010. Ang naasoy nga proyekto mao ang Completion of Marihatag-Mararag Communal Irrigation System.
Mahinumduman nga ang maong irrigation project dugay na gipangandoy sa mga lomolopyo sa Marihatag. Gisugdan kini sa tuig 1979 ug hangtod sa karon wala pa gayod kini makumpleto. Ubos sa MRDP, gilauman nga matapos na gayod ang naasoy nga proyekto aron makahatag kini og mas dakong abot sa mga mag-uuma sa Marihatag. Ubos sa naasoy nga irrigation project, gilauman nga mamahimo na gayud nga self-sufficient sa bugas ang Marihatag ug makasuplay pa kini sa lain pa nga mga munisipyo sa probisya sa Surigao del Sur.
No comments:
Post a Comment